შეშფოთებული ვარ იმ რიტორიკით, რომელიც მესამე სექტორის მიმართ სხვადასხვა პოლიტიკოსის მხრიდან მესმის — მარგველაშვილი

საქართველოს პრეზიდენტი გიორგი მარგველაშვილი არასამთავრობო ორგანიზაციებს მხარდაჭერას უცხადებს. პრეზიდენტსა და მესამე სექტორის წარმომადგენლებს შორის შეხვედრა ამ წუთებში მიმდინარეობს.

გიორგი მარგველაშვილი კრიტიკულად აფასებს არასამთავრობო ორგანიზაციების მიმართ ბოლო პერიოდში განხორციელებულ თავდასხმას. მარგველაშვილის თქმით, შემაშფოთებელია ის რიტორიკა, რომელიც პოლიტიკოსების მხრიდან მესამე სექტორის წარმომადგენლების მისამართით ისმის.

„შეშფოთებული ვარ იმ რიტორიკით, რომელიც მესმის სხვადასხვა პოლიტიკოსის მხრიდან, როდესაც მიზანმიმართულად თქვენს ობიექტურ მოსაზრებებზე ან ფაქტებზე დაყრდნობით გაკეთებულ განცხადებებთან მიმართებით, ხდება თქვენზე შეტევა. მენტალობა, როდესაც ობიექტური დამკვირვებელი არის ბრალდებული იმაში, რომ ახორციელებს თავის ვალდებულებას და საზოგადოებას აწვდის ინფორმაციას დარღვევებისა და გადაცდომის შესახებ, მენტალობა, რომელიც ნებისმიერ კრიტიკას აღიქვამს თავდასხმად, მენტალობა, რომლის კონტექსტშიც, თუ არ უკმევ გუნდრუკს ხელისუფლებას ან ძლიერებს ამა ქვეყნისა, მიჩნეული ხარ მტრად, წინაპირობაა ტოტალიტარული აზროვნებისა. მინდა ხაზგასმით კიდევ ერთხელ მადლობა გითხრათ თქვენი მოღვაწეობისთვის,“ — განაცხადა გიორგი მარგველაშვილმა.

საქართველოს პრეზიდენტთან მესამე სექტორის წარმომადგენლები წინასაარჩევნო გარემოს განიხილავენ.

გიორგი მარგველაშვილი

გიორგი მარგველაშვილი

,

Добавить комментарий

Ваш e-mail не будет опубликован. Обязательные поля помечены *